'මේව නං එයි....'

ඉස්සෙල්ලම කියන්න ඕන මේ සිදුවීම නම් මගේ අත්දැකීමක් නෙවෙයි කියන එක.... මේක ඇත්තටම මගේ යාළුවෙකුගෙ බොස් කෙනෙක්ගෙ අත්දැකීමක්.... මේ යාළුවා වැඩ කරන්නෙ මුදල් අමාත්‍යාංශයට සම්බන්ධ එක්තරා දෙපාර්තමේන්තුවක.... හැබැයි අර මං කලින් වැඩ කළාය කියපු එකේ නෙවෙයි, වෙනින් එකක.... ඒ දෙපාර්තමේන්තුවේ නම් මේ කතාව ටිකක් ප්‍රසිද්ධයි කියපු නිසා පසුබිම් විස්තරය මෙතැනින් නවත්වන්නම්.... නැත්නම් මගේ යාළුව මේක කියෙව්වොත් හේම ජාලය හරහා අත දාල මගේ බෙල්ල මිරිකයි.....

මේකයි කතාව.....



එක අළුත් අවුරුද්දක් කිට්ටුව මේ බොස්ගෙ නෝනට ඇඳුම් ගන්න ෂොපිං යන්න ඕන වෙලා..... ඔන්න ඉතින් කියනකොටම මේක කියවගෙන යන පුරුෂ පක්ෂයට හිතුනනෙ 'ආ....පෝ....' කියල... ආයෙ ඉතින් කියන්න දෙයක් නෑ, නෝන ඔය කතාව කියනකොට බොස්ටත් හිතිල තියෙන්නෙ එහෙමම තමා.... ඒ නිසා මේකෙන් ගැලවෙන්න හිතාගෙන බොස් කිව්වලු ඉල්ලන ගාණක් දෙන්නංය, තනියෙන් ගෙහුං ඒ වැඩේ කොරගෙන එන්නය කියල.... කොහෙද.... නෝන බෑ ගාගත්තු ගමන්ලු.... හේතුව විදියට කියන්නෙ වාහනේ පාක් කොරගන්න තැනක් හොයල හැතැප්මකට විතර එහායින් ඒක නවත්තල පයින්ම කඩේ ළඟට එනකොට ෂොපිං කොරන්න ගාය නෑ කියලලු.... දැන් ඕං මගෙන් අහන්නෙපා ඔය කඩේ තියෙන්නෙ කොහෙද කියල.... ඇත්තම කියනවනං යාළුව දන්නෙත් නෑ... කොළඹ පළාතෙ වෙන්ටැ කියලයි හිතුවෙ..... ඉතින් ඔන්න අර නෝන දන්න කියන චාටු ඔක්කොමයි මායං හැට හතරයි දාල යා.....න්තම් මහත්තයව කැමති කොරෝ ගත්තලු ගමන යන්න...

දැන් ඉතින් ෂොපිං යන දවසෙ මහත්තය කිව්වලු නෝනව කඩේ ළඟින් බස්සවල එයා වාහනේ කොහේ හරි පාක් කොරන් ඉන්නංය, බඩු ඔක්කොම අරගත්තට පස්සෙ කෝල් එකක් දුන්නම වාහනේ දෙපතුල ළඟටම ගේන්නංය කියල.... ඔහොම කතාකොරගෙන කඩේ කිට්ටුවට යනකොට වාසනාවටද අවාසනාවටද මන්දන්නෑ මෙයාලට කඩේට හුඟක් ළඟ තැනකින් වාහනේ පාක් කොරගන්න ලැබිල.... දැන් ඉතින් කෝල් දෙන්න කරදර වෙන්නෙ නැතුවම වැඩේ ඉවර උනු ගමන් බඩු ටිකත් කරගහගෙන ඇවිත් කාර් එකට රිංග ගන්න පුළුවන් නිසා නෝනත් පස්වනක් ප්‍රීතියෙන් පිනා ගිහින් බැහැල ගියාලු....

නෝන ගියාට පස්සෙ කොරන්න දෙයක් නැතිකමට බොසාත් සින්දුවක් හෙම දාගෙන වට පිට බල බල ඉන්නකොට ටිකක් එහායින් පේනවලු හැඩට ඇඳගත්තු නංගි කෙනෙක්.... ටික වෙලාවක් මේ නංගිගෙ චර්යා රටාව බලන් ඉන්නකොට බොස්තුමාට තේරුනාලු මෙයා මොනව කරන කෙනෙක්ද කියල.... හිතුනු දේ හරි.... ලෝකෙ පැරණිම රස්සාව කොරන නංගි කෙනෙක්.... බොසාත් දැන් වෙන්නෙ මොකක්ද කියල බලන්න සැරින් සැරේ ඒ පැත්ත බලනකොට අර නංගිටත් තේරිලා මෙයා බලන බව.... දැන් වාහනේ ඇතුලෙ තනියෙන් ඉඳගෙන හිටපු බොසාව  දැක්ක නංගිත් බොසා දිහා බල බල සිරික්කියක් දෙකක් හෙම දැම්මලු..... තමුන්ගෙ නෝනත් ගිය තැනිං ලේසියෙන් එන්නෙ නැති බව දන්න නිසා බොසාත් ඇහැ දීගෙන ඉඳල....මෙන්න බොලේ ටික වෙලාවක් යනකොට ගෑණි හෙමිහිට කාරෙක ළඟට කිට්ටු වෙනවලු.... කවුරුවත් දැක්කොත් වස නෝන්ඩිය නිසා බොසා හනිකට වටපිට බලල තහවුරු කොරගත්තලු කවුරුවත් මේ සීන් කෝන් එකට ඇහැ ගහගෙන නැතෙයි කියල.....

ඔන්න ඉතින් තව විනාඩියක් දෙකක් ගියාම අර නංගි කාර් එක ළඟට ඇවිත් වීදුරුව ඇරල තිබ්බ දොරට අතක් තියල ඇතුලට හොම්බ දාල කිව්වලු,
'මහත්තය, යනව නම් හොඳ පොට් එකක් තියෙනව... වැඩි දුරක් නෑ, මේ ළඟ....' කියල...
බොසාටත් නිකං කට තියාගෙන ඉන්න බැරුව ඇහුවලු,
'කීයද ගාණ...?' කියල....
ගෑණි කිව්වලු 'දෙසිය පණහයි මහත්තය...' කියල...
ඒ කිව්වම බොසාත් ගෑණිව බයිට් එකට ගන්න හිතාගෙන ඇහුවලු,
'සීයට බැරිද...?' කියල...
ගෑණිට මල පැණල...
'අනේ මේ නිකං යන්න මහත්තය යන්න ....................................
.........................................' කියල හොඳ කුණුහරුප ටිකකුත් කිව්වලු...
ඒ කියල ගෑණි ආයෙ අර හිටපු තැනට ගිහින් බොසාට රව රව කැරකි කැරකි ඉන්නවලු...
ඔහොම ඉන්නකොට ෂොපිං ගිය බොසාගෙ නෝනත් හතිදාගෙන ඇවිත් බෑගි ටිකත් පිටිපස්සෙ සීට් එකට දාල ඇවිත් ඉස්සරහ සීට් එකෙන් ඉඳගත්තලු.... දැන් බොසාගෙ ඇහැ කොණට පේනවලු අර ගෑණි කාරෙක දිහාට එනව....
හීන් දාඩිය වැටිච්චි බොසාට කලබලේට වාහනේ ඉක්මන් කොරල පාරට දාගන්නත් බැරිවෙලා... මෙන්න බොලේ ඒ ගමන ගෑණි දුවගෙන දුවගෙන ඇවිල්ල නෝන හිටිය පැත්තෙ ජනේලෙන් ඔළුව දාල ඇහෙන් නෝනව පෙන්නල කියනවලු,
'මේව නං ඕනතරං එයි සීයට.....' කියල...

ප.ලි.
මේ කතාව සිද්දවෙලා දැන් සෑහෙන කාලයක්.... ඒ නිසා කස්ටිය මේක දැකල බොහොම ලාබයි කියල හිතාගෙන යනව හෙම නෙවෙයි ඕං.....

ප.ප.ලි.
අපේ දුව අද මගෙ පෝස්ට් එකට වැඩේ දීල මං එහාට ගිය ටිකට... එයත් එකක් දාන්න හදල... හොඳ වෙලාවට දැකල ඒක ඩිලීට් කළා... ඒ නිසා වෙන නමක් අද අප්ඩේට් වෙලා... සොරි හොඳේ....